by

SEII NO PRESIDENTE AUTORRIDADE RAEOA ESTABELE SENTRU EMPODERAMENTU BA IGUALDADE NO INKLUZAUN SOSIÁL

Atu Fasilita Promosaun Igualdade No Inkluzaun Sosiál, no fó apoiu ba servisu grupu traballu jéneru iha RAEOA, iha sesta feira ne’e (09/10/2020), Secretariu Estadu Igualdade no Inkluzaun hamutuk ho Presidente Autoridade RAEOA, Estabelese Centro Empoderemento ba Igualdade no inkluzaun social.

Estabelese sentro Empoderamentu ne’e liu husi asina akordu Nota de entendementu iha Aula Alfadega palaban.  

Molok asina akordu ne’e, Secretariu Estadu Igualdade no Inkuzaun Maria José da Fonseca Monteiro de Jesus iha nia diskursu hateten: Estabelesimentu Sentru Empoderamentu ba Igualdade no Inkluzasaun Sosiál (SEIIS) ne’e hanesan kontinuasaun husi estabelesimentu hanesan ne’ebé SEII halo ona ba iha munisípiu sia seluk hanesan Minisipiu Bobonaro, Lautem, Ermera, Liquiça, Viqueque, Covalima, Ainaro, Manufahi, no Munisipiu Aileu.   

Tuir sua selensia Secretariu katak: Sentru ne’e nia foku prinsipál mak empoderamentu ekonómiku hanesan baze atu hatutan programa sira seluk SEII nian, hanesan hasa’e partisipasaun feto no portadora defisiénsia sira iha área polítika no nível foti desizaun, kombate ba violénsia doméstika no violénsia bazeia ba jéneru no halo abordajen inegrada jéneru.

Presidente Autoridade RAEOA Arseni Paixao Bano iha nia liafuan bemvindu katak: estabelesementu sentro empoderamentu ne’e nudar dalan ida atu tau forsa hamutuk hodi kombate Violensia Domestika, Violensia bazea ba jeneru no hasa’e partisipasaun feto kona-ba oinsa foti dezisaun.

Arsenio Paixao Bano hateten Prezidente autoridade ho nia ekipa sei harii unidade promosaun ba igualdade no inkluzaun sosiál iha RAEOA no unidade ne’e sei serbisu hamutuk ho grupu sira hotu liuliu ho grupu feto no grupu vulnerável sira ho sira seluk tan hodi garante partisipasaun grupu hotu-hotu iha dezenvolvimentu Oé-Cusse

Jornalista João Caunan

Editor Joe Feno

Comment