by

UNICEF no Ekipa Ministeriu da Edukasaun Visita EBF Ban-Aef Manat.

Iha sabadu horseik (26/09/2020) Agensia UNICEF no Servisu Ministeriu da Edukasaun diresaun Ensino Basiku Nasional Visita EBF Ban-Aef Manat Suku Ban-Afi sub-Rejional Nitibe.

Visita ne’e ho intensaun atu kordena ho inan aman sira, oinsa bele estabele Pre-Eskolar iha Suku Ban-Afi.

Sefe Departementu Administrasaun Ensinu Basiku Timor-Leste Maritu Vicente da Costa hateten: Visita ne’e nudar parte ida atu rekolha no kordena ho enkaregadu sira oinsa bele estabelese Programa Prontindaun da Eskola no Asesu aseleradu.

Entretantu Konsultan Programa UNICEF Domingas Soares Maya Tavares iha nia esplikasaun hateten: programa ne’e nudar programa foun ne’ebe atu implementa iha Oe-kussi ho durasaun fulan tolu deit.

Durante sesaun diversus inan-Aman no enkaregado sira orgolho no kontente tanba bele ajuda labarik ho tinan lima no tinan haat bele asesu ba eskola liu husi pre-eskolar.

Tuir Konsultan Programa UNICEF Domingas katak: antes atu estabelese programa ne’e nia parte sei hare liu ba numeru alunu iha kada eskola nune’e bele foti desijaun.

Jornalista João Caunan

Editor Jose M. Feno

Comment