by

MAIORIA LABARIK IHA SUKU LIFAU SEIDAUK HETAN AKSESU BA SERTIDAUN MORIS RDTL

Sertidaun moris RDTL nudar akta ofisial ba sidadaun hotu iha Timor-Leste hodi  hetan Rekuinesimentu husi Estadu. Katak sidadaun ne’e partensi husi Nasaun ida ne’e nian nune’e obrigatoriumente atu hetan sertidaun ida ne’e.

 Maibe iha suku Lifau sub Regional pantemakassar maioria Labarik, Joven inklui ferik no katuas sira barak mak seidauk hetan Sertidaun RDTL husi ministeriu da Justisa Registu no Notariadu, lianfuan hirak ne’e hateten husi Chefe suku Lifau Crisanto Colo iha Tula ika Lifau Oe-Molo.

Chefe suku ne’e hateten katak durante Nia ukun tinan tolu liu maibe nia parte hanesan Autoridade Suku seidauk hetan informasaun ruma husi Ministeriu Estatal Regional Oe-cusse sobre asuntu ne’e.

Maske nune’e lider komunitariu ne hateten sertidaun RDTL ne’e importante maibe inan aman barak mak seidauk iha konsensia hodi trata sira nia oan nia dokumentus refere. Nune’ nia parte husu ba Ministeriu relevante atu halo sosializasaun ba suku hotu hodi nune’e povo hatene konaba asuntu ida ne’e.

Sorin seluk Komunidade suku Lifau Maria efi hateten katak sira nia Oan seidauk hetan Sertidaun RDTL maibe nia oan sira iha Sertidaun Nasimentu Igreza nian. Inan Feto ne’e husu ba Governo atu bele halo Registu Movel iha sira nia suku laran tamba dadaun ne’e osan la iha hodi halo movimentu ingklui Covid sanulu resin sia.

Jornalista Lamberto Fuamuni

Editor Jose F.Efi

Comment