by

MINISTERIU DA SAUDE APOIA OSAN MILAUN RUA RESIN HO KARETA AMBULANSIA IDA BA RAEOA.

Ministeriu da Saude timor-Leste nebe presidi husi Ministra Odete Maria Freitas Belo Entrega Kareta Ambulansia ida no Osan milaun rua resin ba Autoridade RAEOA.

Apoia hirak ne’e entrega liu husi Seremonia asinatura nota memorandu (MoU) entre Ministra da saude no PA RAEOA Arsenio Paixãó Bano, Tersa ne’e 08/09/2020 iha salaun Alfandega palaban.

Molok asinatura MoU Ministra da Saude Odete Maria Freitas Belo iha nia diskursu hateten: apoia hirak ne’e nudar parte ida atu hafasil programa servisu saude nian iha RAEOA liga ba pandemia Covid-19.

Tuir Ministra katak: maski distansia entre Oe-Cusse ho Kapital Dili dok malu maibe ho asinatura Memorandu ne’e bele fo esperansa diak oinsa fo asistensia medika ba povu iha rai ketan RAEOA.

Entretantu iha fatin hanesan Presidente Autoridade RAEOA Arsenio Paixãó Bano konsidera ho apoia hirak ne’e hanesan aumenta Vitamina ba servisu profesionais saude sira iha RAEOA.

Tuir Bano katak Autoridade Rejiaun nafatin iha komitmentu atu diskuti klean kona-ba Kilinika Kurasaun nebe hari ona nune’e, ba future bele hamenus konsulta iha rai liur.

Marka prezensa iha Seremonia assinatura MoU ne’e, Presidente Autoridade RAEOA e ZEESM TL, Arsénio Paixãó Bano, hamutuk ho Ministra Saúde, Odete Maria Freitas Belo, Vice Ministro Saúde, Bonifácio Maukoli dos Reis, Diretora Jeral Saúde, Odete Viegas hamutuk ho Diretores Nasional Saúde nomós hetan partisipasun husi Membrus Autoridade RAEOA, Diretores RAEOA, Xefi Departamentus RAEOA, Amo Vigario Paroque Nossa Senhora de Fátima Oé-cusse no Funsionarius Saúde RAEOA.

Jornalista João Caunan

Editor Joe Feno

Comment