by

CNE HALO EDUKASAUN SIVIKA IHA ETV MAHATA.

Comisaun Nasional das Elisaun Rejiaun Oekussi Tersa feira ne’e, (08/09/2020) halo edukasaun sivika ba Estudantes eskola sekundariu Tekniku Vokasional iha salaun Eskola Teknika Vokasional Mahata.

Edukasaun sivika ne’e foka liu ba estudantes nebe idade to’o ona tinan 17.Komisariu CNE destakadu Munisipiu Bobonaro no RAEOA Domingos Bareto iha nia intrevista ba Radio Communida Atoni Lifau  hateten: Edukasaun Sivika ne’e realiza bazea ba peskija CNE nian iha elisaun Presidente elisaun Geral no elisaun Antisipada iha tinan hirak ba kotuk.

Domingos Bareto hateten  Intensaun husi edukasaun sivika ne’e maka atu oinsa estudantes sira bele hatene no komprende orgaun Eleitoral husi CNE no Stae ninian nune’e bele partisipa ativu iha elisaun tuir mai.

Tuir komisariu Domingos Baretu katak tuir planu edukasaun sivika ne’e sei hala’o mos ba estudante sekundariu sira iha capital oekussi to’o sabado semana ne’e.

Entretantu Direitur da Eskola Teknika Vokasional Adrianu Lelan Elo konsidera katak Edukasaun sivika ne’e nudar pasu positive atu foinsae sir abele hatene knar intituisaun idak idak nian iha konstrusaun estadu Timor-Leste.

Jornalista João Caunan

Editor Joe Feno

Comment