by

Komonidade Usitaqueno Lamenta Ho Servisu Linha EDTL

Populasaun uma kain 30 resin iha uma knua nibin, Aldeia Nibin, suku usitaqueno sub Rejional Oesilo RAEOA seidauk hetan benefisia husi fornesementu linha EDTL.

Residente Domingos Colo lamenta tebes ho servisu Tekniku EDTL tanba durante ne’e komonidade ne’ebe ladauk hetan linha EDTL uja deit kandeiru ka ahi oan hodi fo naroman iha tempo kalan.

Domingos Colo katak maski Familia sira ne’e hela dook husi Estrada ibun, maibe pelumenus governo Regional Liu husi tekniku sira buka meus alternative seluk hanesan solar sell hodi atende sira nia preakupasaun/ nune’e bele goza asesu eletrisidade.

Nune’e mos eix Sefe do Suku Usitaqueno Vicente Kope rekonhese katak: Familia sira ne’e to’o agora sidauk asesu eletrisidade tanba ne’e nia parte sujere ba tekniku sira atu presija tau atensaun hodi halo instalasaun ou apoia solar sell ho nune’e bele hakman despezas sosa mina rai ne’ebe kontinua husi loron ba loron folin aumenta bebeik.

Hatan konfirmasaun kona-ba problema ne’e Direitur Infra-strutura Rejional Oe-Cusse Candidu dos Reis Amaral rekonhese katak familia barak maka sidauk hetan linha eletrisidade liu uma kain atus tolu.

Entretantu hatan konfirmasaun jornalista kona-ba planu fornesementu energia eletrika ba familia sira ne’ebe sidauk hetan asesu eletrisidade Direitur Infra-strutura Rejional Oe-Cusse Candidu dos Reis Amaral dekala katak: Autoridade Planeia ona ba tinan rihun rua rua nolu resin ida.

Jornalista Joao Caunan

Editor Joe Feno

Comment