by

Ema Descunhesidu Tuda Xefe Suku Ban-Afi nia Uma

Ema Descunhesidu Tuda Xefe Suku nia Uma tanba Aldeia Ida la simu Sub-Sidiu Covid-19.

Xefe Suku Ban-Afi José Tefa aprejenta Assuntu ne’e ba Líder Karismátiku Kayrala Xanana Gusmão bainhira hala’o Misaun COVID iha suku Ban-Afi Sub Rejional Nitibe RAEOA Dominggo Horseik (23-08-2020).

Xefe Suku Ban-Afi Jose Tefa hateten durante COVID-19, populasaun sira iha Suku Ba-Afi, hasoru problema ekonomia liuliu bainhira Estadu deklara Estadu Emerjénsia hodi limita movimentasaun populasaun sira nian, tanba populasaun iha aldeia rua simu hotu ona subsídiu $200 ne’ebé governu liuhusi Ministériu Solidariedade Sosiál no Inkluzaun (MSSI) oferese, maibé uma kain hamutuk 216 iha Aldeia Hau-Tefu, maka seidauk simu ate agora.

Ho problema ekonomia ne’ebé nia populasaun sira hasoru, iha tempu kalan ema sempre tuda nia uma.

Hatan ba Problema ne’e lider karismatiku Xanana Gusmau hateten, nu’udar Xefe Suku tenke ko’alia nafatin problema ne’ebé povu hasoru, maibé tenke fó atensaun maka’as liu oinsá maka prevene moras Corona husi populasaun sira.

Durante dialogu ho populasaun iha SUku ban-Afi Kairala Xana Gusmau Foti ona lista no subliña katak, problema ekonomia sei bele rejolve, maibé moras COVID susar atu rejolve tanba iha nasaun boot sira iha mundu mós infrenta hela problema boot tanba aimoruk hodi kura moras ne’e seidauk deskobre.

Total uma kain iha Suku Ban-Afi hamutuk 467. Populasaun hamutuk 2468 inklui feto ho mane no la sura labarik kiik sira.

JOrnalista Joao Caunan

Editor Joe Feno

Comment